حملي يايمه زاده الوقت حملين

يمه علامك وش بلا مـا ترديـن
حسك فقدته مدري اليـوم وينـه
يمه صغيرك ما سلا عنك للحيـن
حاير ودمعه جرح اهداب عينـه
يمه تعالي ملكتـي بعـد يوميـن
شوفي جنينك دبلته فـي يمينـه
رشيت عطرك يمه اللـي تحبيـن
ليتـك يايمـه تقربـي تنتشينـه
ما ظن يمه انك اليـوم توحيـن
صوتي ولو صدري تعالي ونينـه
رحتي وكلك بالشراييـن تجريـن
غلاك فـي قلبـي بنالـه مدينـه
حطوك في قبرك وغطوك بالطين
تجمعت حولك قلوب (ن) حزينـه
رحتي وقلبي صابه اليوم رمحين
رمح الفراق ورمح ظلم الوزينـه
حملي يايمه زاده الوقت حمليـن
شوفي عشيرك شل وقته يدينـه
رفيق دربك صابته صدمة البيـن
واصبح طريح للفـراش وانينـه
يابوي قلي وين ابلقـى مداويـن
وتبع خطاهم لو يبـون الخزينـه
لو يطلبون الروح تفداك يالعيـن
روحي وقلبي تحت كفك رهينـه
ودي اشوفك واقف(ن)فوق رجلين
تجري كما خيل جموح(ن)ثمينـه
مالي سواك اليوم بعد الله الحيـن
اقفت ملاك الروح نـور المدينـه
لو احكي يمه عن جمايلكم سنين
مااوفاكم المخطي و